ابيه رجال

في زمن كثرت فيه اشباه الرجال .. من حق اي فتاه تحلم برجل حقيقي

ابيه رجال
ابيه لامال الزمن مامال
ابي اتسند ذراعه
واحس بأمان الكون
وما احس بأوجاعه
ولو قامت حروب ضروسه
بقربه انسى الهم وادوسه
ابيه رجال
لا اقبل علي كل الكون مثلي يبتسم
ابي البسمه بعيوني
قبل شفاهي ترتسم
ابي الدمعه في عيني
من هيبته تنعدم
ولامن طروه عندي من مكاني افز
انسى كل الخلق ولفرصتي انتهز
وبكل الفخر اقولها حبيبته وارتكز
ابيه طويل وشامخ
ابيه مثل الجواد الجامح
ابي لاناظرت بعيونه
انسى ان الزمن جارح
انسى كل البشر واتذكره
احترامه يفرضه
كل الادب يقرضه
ابي لاجيت له بعلم
رده علي بعلوم
ابيه مثل البحر هايج يغرقني
ابيه هالبحر احيان ساكن يطمني
كفي بكفه وبامان الدنيايعيشني
ابي لاضحك سنه
يضحك دمي بشراييني
ابي عيونه تناجيني
من النسمه علي يخاف
يغار من الهوا الشفاف
ابيه يحبني بأجحاف
ابيه يكذبني ويصدقني
لاقلت له كرهتك كذبني
ولاقلت احبك زود صدقني
حبيبي ابيه واثق
ابيه طير بالسما باشق
ابيه عاشق نعم عاشق
.............................
وفي مجلس للرجال
يميزونه من على اميال
وقبل اسمه ميه هلا تنقال
ابي لامن حضرهم يصيبهم زلزال
ومن مجلسه يهرب الدجال
يخاف طبعا من فارسي الخيال
كلمته بالمجلس مسموعه
وبمكانها موضوعه
تشوفه كنه الموسوعه
له بكل سالفه مجال
ابيه لامن تعزوى
قبايل مسطره تفديه
هو الكرامه والعز بأيديه
ابيه عقله موطن لاجيال
يوزن مليون حضاره
والكل يطلب منه استشاره
فارس ويستحق مركزه بجداره
....................
وفي مجلس للنسا
ورغم ان مجالسهم متعسه
كلها حش ونميمه
وبينهم كني يتيمه
بينهم ومو بينهم
بينهم بس بجسد
ونظراتهم لي بالحسد
موجهه لي ومرصوده
انا ظرهم وكلي ثقه مقصوده
تلوموني..حبيبته
انا من اسرني بطيبته
انا امي ولدتني..
وعلى جبيني انكتب اعشقه
انا هواه استنشقه
انا من انخطف قلبها
من ضلوعها وله ترخصه
تلوموني وكلمتي بأفعالتلوموني ..ابيه رجال