حكايه غير..

(1)

بحكيها لكم.. زي الحكاية

لكنها حقيقه..

واصدق من اصدق روايه

كانت تحبه..

وتشتاق لوده

ومثل أي عاشقين

توله على قربه

تحكي وفي عيونها دموع..

خايفه من لحظه تعلن لجنونها الخضوع

وتقول وشفاهها تنطق

وحزنها يحكي بالمنطق

فكرت انتحر..!!

من مثلي مالها مكان

دام حبها مات وبأقسى ما بالامكان

بأيدين اقرب الناس مات

وبسخريه هالزمن وفجأة اصبح ماله مكان

غصيت بكلماتي وبدموعي

وانا ادري بحزنها

يشبه كثير حزني وللحب جوعي

قالت احب

والهاء جت متأخرة

وبفرحه لذكرى هذاك الحب القديم مبخرة

وانا بنفسي اردد ليتني ماسألت

ليتني بفضولي لومرة بخلت

مدري وين وصلتها وبنفسي وين وصلت..؟؟

كملت الحكايه وهي تحاول


تجفيف دموع وجرح من هالزمن حاصل

كان على عشقي يهيم

وبالقرب والوصل يغني

اقوله ياقيس

يقول قيس..!!عشق قديم

انا مجنونك وموب مني..

ولما جانا وتقدم

وصله الرد كالتالي

حلمك ياهيه تهدم

بنتنا مخطوبه ومن سنين

ومااهي على فلان مغصوبه

رددت وبصوت من صدرها يجري

غريبه وانا مدري..؟؟

وراح عشقي زعلان..

ومن بدري

خطب .. واول من حضر انا

شاركت عروسهم فرحتها وانا بهمي

كنت اجهزها له وارتب ملابسها

واحاول افرحها و ااناسها

تتصل وابشرها ترى بخرت لك ثوبك

اللي بيكون ياعمري اول ليله ملبوسك

واردد بصدري افرحي له وانسي

بس وش اسوي بغمي..؟؟

ببقى اتذكر طول العمر

لانه ما اخذ غير ..

بنت عمي